إسحاق نيوتن

كان إسحاق نيوتن صاحب تنوع علمي وثقافي وده كان طول فترات حياته ، في بداياته في كامبردج مثلاً حب الفلسفة واختار انه يسلك المنهج الكلاسيكي ، وبعدها أعجب جدا بأعمال الفلاسفة المعاصرين ومن شدة تعلقه بيهم خصص وقته لكتابة مجموعة ملاحظات بعنوان "أسئلة فلسفية معينة " . بعدها انتشر الطاعون واللي خلي الجامعات تقفل أبوابها فبدأ نيوتن باستغلال وقته في البيت عشان يحط نظرياته في التفاضل والتكامل وعلوم الضوء . ومن بعدها اختص في علوم الفيزياء والرياضيات وانتج ساعتها اهم الكتب اللي بتضم علومُه وهو كتاب "المبادئ الرياضية الفلسفية الطبيعية " . ومع العلم ان اغلبنا اول ما بنسمع اسم نيوتن بينط في دماغنا قانون الجاذبية الارضية وقصة التفاحة ، إلا أنه كان ليه اكتشافات تانيه كتير عظيمة وليها تأثير كبير في تطور العلوم لحد دلوقتي زي قوانين الحركة (الأول ، الثاني ، الثالث) ، بالإضافة لانه أول حد اكتشف مع الأبحاث إن الأرض كرة غير دائرية وان فيه بروز عند القطبين واللي بعدها اتأكد من خلال بعثات بيرو العلمية ، وكمان ساهم في تطور ظاهرة الضوء من خلال اكتشافه للون الأبيض . كل ده وإنجازات "إسحاق نيوتن" لسه مخلصتش لأنه بالفعل كان أيقونة عظيمة فادت العالم كله خلال حياته وحتى بعد وفاته .